張致恒與老婆互數「性生活」仍和諧 雯雯又懷孕：上天再次畀咁嘅安排

張致恒（Steven）和太太區燕雯（雯雯）婚後育有3子張天寶、張天牧和張天朗，兩公婆關係一直撲朔迷離，後者曾多次在網上公審老公不務正業，又曾揚言離婚而被封為「離婚KOL」。今日（11日）雯雯又在IG 出Post，不過今次並不是鬧老公，而是打長文抒發感受，更寫道：「再一次負起呢個責任，迎接呢份禮物同安排。」莫非暗示自己再度懷孕？

同場加映：李日朗為醫嫲嫲入行迷失自我 「小顏術一代宗師」享受演大奸狗

{{hket:ul-video id="8638"}}{{/hket:ul-video}}

雯雯長文如下：

呢個Ig將會停用。最後一個post..一個總結…呢一年確實係我人生一個轉捩點好多嘢都改變晒…曾經我以為我一個人係好簡單相信同堅持，就能夠有好嘅結果，但係原來並唔係咁樣，一次又一次嘅被背叛同傷害，確實令到我思想同性格都改變晒，好似一次又一次，加重仇恨咁。

我第一次懷孕之後，確實，我係任性冇諗後果，就成就咗每一次懷孕，但係一個新生命係上天比（畀）你嘅禮物同一個安排，所以我冇後悔過。反而令到我更加有責任感同信念去照顧好佢哋。

問心，有邊個會想公開自己嘅私事去俾人笑同討論，我唔係一個小丑。但係一來我冇乜朋友冇乜傾訴嘅對象，所以就換來喺平台發洩。再加上我心底裏的確係有一種唔好嘅心態，我會覺得你可以對住其他嘅女性去數我，咁點解我唔可以公開我嘅情緒同不滿？

老實講，當你對住其他女性去數我。呢種傷害會唔會比起我公開鬧你更加大。明明自己做錯在先，但係最後換來係因為我做得唔夠好，所以你要有呢個選擇，我真係想唔透…

我（哋）大家終於坐低傾過問題，我都唔知大家嘅關係能唔能夠修補，但係呢一刻我相信大家都需要時間去行落去。講到尾其實根本唔關共唔共患難事。如果係咁嘅，我諗一開始根本唔係咁樣行。

去到最近，大仔開始越來越大，識嘅嘢越來越多。每當我大喊情緒失控嘅時候，佢會好擔心，同表現出好唔開心，我就同自己講要醒。唔能夠影響小朋友成長唔能夠帶比（畀）佢（哋）有任何陰影，再加上自己身體同你緊要，面對嘅手術，的確好驚，好怕個風險，上天要帶我走。所以同自己講好向前行，好好珍惜同家人嘅時間，仲好過喺度發癲。日日喺度鬧都根本改變唔到好多嘢，亦都冇幫助。

接下來…既然上天再一次俾（畀）咁樣嘅安排我，我就應該好好計劃，靠自己去照顧好上天比（畀）嘅每一份禮物，再一次負起呢個責任，迎接呢份禮物同安排。無謂再去浪費氣力，同時間只係喺度發洩同埋鬧。我相信唔放棄，堅持一定有出路，瞓醒一覺，又會係一個好嘅開始。

雯雯再公審張致恒阻住地球轉 斥老公垃圾不如 剖白不離婚理由【下一頁】